العمدة عاااااصم
عدد المساهمات : 22
تاريخ التسجيل : 01/10/2010
 | | موضوع: الشعب المطحون الإثنين 11 أكتوبر 2010, 20:43 | |
| لما الرئيس يعمل عريس وابن الرئيس يبقي الوريث واما الغفير يسرق يهيص واما الوزير يبقي خنيث يبقي انت اكيد في مصر لما الرشوة تبقي شطارة واما السفيه يملك عمارة والحرية شعار وتجارة ويقابلوا الحق بكل حقارة يبقي انت اكيد في مصرلما الواطي يصبح ضابط ويطيح في الناس من غير رابط واما القاضي يضربه ضابط والسواق يهتكه ظابط يبقي انت اكيد في مصر اما المكوجي يملك ملايين والعلما تاكل بالدين لما حياتنا تصبح طين والوزرا يسخروا من الدين يبقي انت اكيد في مصر لما القاتل ياخد جنحة والمقتول يدولو منحةلما سجونا تصبح شرحة ويقابلوا موتنا بالفرحة يبقي انت اكيد في مصر
لما السفينة تبقي مغامرة
وقطارنا ميوصلش لغمرة
لما الموت يبقي بالجملة
ويقيسوا حياتنا بالعملة
يبقي انت اكيد في مصر
واما الناس مش عارفة تعيش
وان كلو يوم عشرة مفيش
واما الفرخة من غير ريش
وان مش عجبك كل خفافيش
يبقي انت اكيد في مصر
لما الناس كلها تتعارك
وانتخابتنا تبقي معارك
وحكومة بأبنه تتبارك
يبقي رئيسك اسمه مبارك
يبقي انت اكيد في مصر
لما الناس تصحي العصر
واللي ما يوعي نايم في القصر
واما يقوم...... يعصرهم عصر
يبقي انت اكيد في مصر عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف | |
|
