تعيش الحكومه ويحيا النظام __________ فى دوله جاميكا ولاد اللئام
شعوبكو الموالسه فى بلاد الابالسه______ بتطلب مخالصه بحق الكلام
تعيش الحكومه ولازمآ تعيش _________تفلفص ترفص تحاول مافيش
وراكم وراكم تشنكل خطاكم __________ تمصمص دماكم ولاتختشيش
يعيش المواطن مهاود تعيس __________ مرابض ولابد فى عبو البوليس
يحاصر ملامحو ويغلط يسامحو________ ولوعادها تانى حيصبح فطيس
تعيش الغباوه فى بلاد الحمير_________ وأطعوا صيحابنا بتوع الضمير
ب حبه تناحه وسماجه وبجاحه________ حيعلا مقامك وتصبح ح ح ح ح
وزير الابعاديه فى دوله سخام ________ ينام الحرامى فى حضن النظام
يجيبوا عاليها وواطيها______________ واااااااااااا منفض مكبر وعاوز ينام
تعيش الوزاره فى مجلس نظيف _______ ده شىء حلو خالص وفعلا ظريف
فى مجلس سروره يعلى غروره________يقصقص فى عمرك قصاد الرغيف
تعيش الحصانه فى دوله هامان_____ ___وتحيا الآونطه وشغل الجنان
سلام سلمونا وخلعوا وسابونا__________ لارجعت حقوقنا ولاالدار امان
سياسه حصاوى بأربع رجول__________تبرطع بتنطح تلكلك تقول
خلاص خلصونا وقسموا وباعونا_______ ولو يعصرونا ننزل ديول
ديول امركانى وآخر جمال___________يمينها شمالها شمالها شمال
عشان المعونه ده لواجبرونا _________ على وش ليزا نشوف الهلال
ويحيااااااا ملوك الضلال ___________ سماسره سياسه وحبه...........
عشان المصالح قالولك يافالح_________ حقوقك مباحه ودمك حلال
ويحيا اللى عايش ورافض يموت_______اهاته بتصرخ فى جوف السكوت
برغم انكسارنا بنرفض حصارنا________ ولو عممونا بنجمه داوود
ياحامى حمى الوغد لافض فوك________ عبيدك بتعوى فى وادى الملوك
طريقك مهالك مسلك وسالك _________ علوجكك جبانه وحيورطوك
ويحيا نظامنا على كيف أبوه__________ يهبش يطنش يطبل سيبوه
بشوقه وراحتوا يفطسنا تحتوا_________ محدش ليه دعوه بنظاما وسيبوه
انا قصدى طبعآ ولاد الذين __________ فى دوله جاميكاوعقالكو اللعينه
ووشوشهم كروشهم عروشهم وبوشهم ___ رئيس العصابه اللى ركبت فوقينا
وباحلف براسكوم وراس الموساد ______ وفرعون موسى وارما العماد
بلادنا دى اجمل واظرف بلاد ________ ولا تقول:جاميكا ولاتقولى عاد
وتحيا شعوبنا ولاد البعيده ___________ فى دنيا وعالم ما بيختشيش
نعييط ننوح نطجن نشوح ____________ونطلع ونطلع ونطلع ونطلع
_____________وننزل وننزل وننزل مافيش
الرئيسية