مش عايزة اتجوزوه ....قلت مش عايزة ..

عدد المساهمات : 132 تاريخ التسجيل : 16/12/2010

مش عايزة اتجوزوووووووه ....قلت مش عايزة ..دة عايز يحبسنى فى البيت

السلام عليكن ورحمة الله وبركاته
حرصا على وقت العضوات السمين
مش هطول عليكوا
سمعاكى يا اختى ياللى بتقولى طولى براحتك
بس برده مش هطول
بصوا دة حوار حصل بين بنتين وعايزة أخد رأيكوا فيه
الحوار على موضوع عريس متقدم لواحدة
اسمها (فلة ) اسم مستعار
وهى رفضاه
مش علشان وحش ولا من عيله مش كويسه ولا مش وسيم ولا بخيل ........لا لا لا
ابسليوتلى
تعالوا نشوف الحوار اللى حصل بينها وبين بنت خالتها
( وردة) اسم مستعار ونعرف سبب الرفض وانتم تحكموا

وردة: ازيك يا بت يا فلة
فلة : الحمد لله
وردة : سمعت انك جالك عريس ابوكى بيقول عليه لقطة
فلة : يتجوزه هو طالما عاجبه
وردة : طيب هو مش عاجبك فى ايه
فلة : اهو مش عاجبنى وخلاص
وردة : ايه شكله وحش
فله : لا
وردة : تخين
فلة : لا
وردة : بيدخن
فلة : لا الحمد لله
وردة : امممممممممم ..شغلته مش كويسه
فلة : لا شغال فى شغلة كويسة
وردة : بخيل ..
فلة : ما اعتقدش لانه لما جه يزورنا جاب معاه حاجات كتير
وردة : دة يا بنتى لو جالى واحد بالمواصفات دى هوافق عليه
فلة : بس انا مش عايزاه
وردة : طيب نبدأ من الاول ...كان متجوز قبل كدة
فلة : لا
وردة : سنه كبير عليكى
فلة : لا هو نفس فرق السن اللى كنت عايزاه
وردة : ...ايه مش بيصلى
فلة : لا لا بيصلى
وردة : بصى بقى ما فيش كدة الا حاجة واحدة
انتى فى حد تانى فى حياتك
فلة : لا ...بصى انا هقولك بس عايزاكى تفهمينى
وردة : اتفضلى يا ستى
فلة : اصله متشدد
وردة :متشدد ازاى يعنى ...ارهابى
فلة : لا .. ماسك قوى فى الدين
وردة : وانتى عايزة تتجوز واحد مش متمسك بدينه
فلة : لا مش قصدى ..قصدى يبقى متمسك لكن مش قوى كدة
وردة : مش قوى كدة ازاى ..وضحى اكتر
فلة :بصى يا ستى
اولا مفيش تلفزيون فى البيت
وردة : طيب وماله هو انتى عايزة التفزيون فى ايه
فلة : اتفرج على افلام ومسلسلات
وردة : طيب ما انتى كدة هتشوفى رجالة فى التلفزيون
وربنا قال(( وقل للمؤمنات يغضضن من ابصارهن))
فلة : طيب اسمعى دى ..مش عايزنى اسمع اغانى
وردة : وفيها ايه انتى هتموتى لو ما سمعتيش اغانى
دة انا حتى سمعت ان فى علماء قالوا ان الاغانى تبقى حلال بشروط ..دة عايزك تتقربى لربنا يا بت فين التشدد
فلة : طيب ومش عايزنى اكلم رجالة غير المحارم بس
وردة : وانتى هاتعوزى ايه من الرجالة غير جوزك والمحارم
فلة: طيب لو حبيت اشترى حاجة من راجل
وردة : انتى كدة بتهرجى دة قصده انك م تتكلمى معاهم الا فى الضرورة
فلة : طيب وموضوع انه عايز يعمل فرح اسلامى والرجالة لوحدهم والستات لوحدهم
وردة : طيب انا هاسألك وهو دة تشدد ..دة مش عايز يبدأ حياته معاكى بمعصية الله من اختلاط النساء بالرجال
فلة : طيب والنقاب اللى عايز يلبسهولى
وردة : شوفى انا اتخنقت منك ..لو اتصل باباكى تانى خلية يديلوه رقم تليفون بابا...دة خسارة فيك..يا بنتى دة عايز يحافظ عليكى
فلة : يحافظ على ازاى ...دة عايز يخنقنى ..وانا عارفة اللى بيفكر كدة مش بيفسح مراته
وردة : وانتى عرفتى منين انه مش هيفسحك ..ايه بتنجمى
فلة :انا بشوفهم كدة فى التليفزيون
وردة :الله يخرب بيت التليفزيون .... انا مش هقولك ان العريس دة عايز
يقربك اكتر من ربنا سواء بالطاعات والتقرب الى الله بالنوافل والبعد عن
المعاصى
انا قلت دة خسارة فيكى

انتى بقى بتفكرى زى فلة كدة ولا زى وردة
واية رأيك فى اسلوب كل واحدة فيهم فى اختيار زوج المستقبل

عدد المساهمات : 885 تاريخ التسجيل : 16/09/2010

ربنا يهدى فله

ولو صحيح جدعه تتنازل عن العريس ل وردة هههههههههههه

لانها تستاهل العريس اكتر منها

عقله وبتفكر صح