يوميات صائم

مشرف عدد المساهمات : 82 تاريخ التسجيل : 04/07/2011

يوميات صائم
أول ليلة فى يوميات صائم هقول لنفسى ايه !!!!!!!!!
انا هصوم ليه ؟
عشان ده فرض
لا مش كفاية
طيب ما هى فرصة اجمع نويا كتير
مثلا بعطشى فى الحر ربنا يروينى فى ظمأ يوم القيامة
وايه كمان ؟
اى حد يضايقنى هقول اللهم انى صائمة واخد ثواب
وايه كمان ؟
لو عزمنا حد متبقاش مجاملات لا ننوى لافطار صائم
وايه كمان؟
وبم ان الثواب هيتضاعف يبقى نستمر عالتراويح
ونجتهد فى القرآن
وايه كمان؟
بصلاتنا فى المسجد بنية اعمار مساجد الله
وايه كمان ؟
حد ممكن يضيف نوايا ننويها مع صيامنا ؟؟؟؟؟

مشرف عدد المساهمات : 82 تاريخ التسجيل : 04/07/2011

يوميات صائم(2)
انهرده كان أول يوم صيام
يا ترى حسيت بايه غير الروحانيات يعنى ؟
اكيد عطش رهيب بأمارة ان المغرب أول ما أذنت مسكت الشفشق ومنزلش غير فاضى
طب مجاش فى بالك حاجة وانت عطشان كده ؟
ها افتكر كويس!!!!!!!!!!
احنا كان من ضمن نوايانا ايه ان عطشنا ده يرحمنا من ظمأ يوم القيامة
شكلك نسيت ولا ايه يبقى العطش ده رحمة باذن الله
عاوزة بقى افكر الى فوتو التراويح انهرده بسبب العزومات
والضيوف تقلو ومش عاوزين يمشو ووقت التراويح عدى
جربت تقولهم وتصلو جماعة فى البيت ده بالنسبة للبنات ؟
هتقول فى اطفال وكده ومعرفناش
طب خلاص هما مشيو وكمان الجو بليل طراوة شوية
وكمان هدوء يبقى هى اتاخرت اه بس ممكن نصليها فى اى وقت ما دام قبل الفجر
اما الشباب بقى لا فى دماغهم ضيوف ولا غيره وراحو صلو فى المسجد
طب والى كسل بردو يقوم يصلى هيلاقى الجو هادى وجميل يساعد عالخشوع
نخش بقى عالسحور ازاى ناخد ثواب واحنا بنسحر ؟؟؟؟؟؟
اه ما احنا مش عاوزين نفوت حاجة الا اما ناخد عليها ثواب باذن الله
غير اننا بنتسحر عشان ميبقاش فى جوع طول النهار
احنا كمان بنسحر عشان الرسول عليه الصلاة والسلام قالنا كده
يعنى بنتسحر اقتداءا بيه وطلبا لرفقته فى الجنة
وبكده متعديش حاجة من غير ما نستغلها بالحسنات
عارفة انى طولت اوى
صوما مقبولا وافطارا شهيا

عدد المساهمات : 885 تاريخ التسجيل : 16/09/2010

اليوم ثانى ايام رمضان

اممممممممممممممممممممم

غريبه انى مش بحس بالجوع ولا العطش مع انى من مرضى السكر

يعنى غيبوبه اكيده لو حسيت بجوع او عطش فوق اللزوم

لكن سبحان الله مع انى بشتغل فى البيت طول اليوم

يارب يكون ليا اجر وثواب لان النوايه خالصه لوجهك الكريم

والحمدلله مش فى اى شىء بيشغلنى عن الصلاة وختم المصحف اكثر من مرة خلال الشهر الكريم

كل حاجه بعملها لاى حد بتكون خالصه النيه وبروح متسامحه جدا

من الحجات المهمه برده لازم نتماسك اوى

يعنى ممنوع النرفزه ولا الصوت العالى ولا الكلام الكتير اللى مش بيحملنا غير زنوب وبس

بختسار كده نكون فى هدوء ورزانه وتروى

وعلى قدر المستطاع نعمل كل مايرضى الله ويرضى انفسنا

اللهم تقبل صيامنا وقيامنا واجعل القران نور قلوبنا

واهدى اولادنا وارحم امواتنا

ووفق عبادك الصالحين لما تحب وترضى

مشرف عدد المساهمات : 82 تاريخ التسجيل : 04/07/2011

جزاكى الله خيرا اختى حلم على الاضافة المفيدة
تقبل الله منا ومنكى واعاننا على حسن عبادته

مشرف عدد المساهمات : 82 تاريخ التسجيل : 04/07/2011

يوميات صائم : (3)

انهرده تانى يوم صيام
ياترى اتعودنا ولا لسة بتنسى وتاكل وبعدين تفتكر انك صايم وتروح تتمضمض؟
او تغريك المية وانت بتفتح التلاجة واول ما تلمس شفايفك تفتكر انك صايم
وتقفلها وانت هتموت وتشرب هههههه
هتقولى وانا هفتح التلاجة ليه اصلا
مثلا بتعين السحور الباقى عشان مش يبوظ
المهم
انت طول الوقت بتصلى ؟
طب طول الوقت بتقرا قرآن ؟
اكيد لا
هتحتاج وقت تبقى فرى مع نفسك تعمل فى اى حاجة لكن مش معصية
مثلا هتفتح النت تشوف اخبار الدنيا
هتقرا بوستات فوازير نكت اى حاجة
هتفتح التليفزيون وتسلى نفسك شوية
طب انت بتعمل كده ليه عشان زهقت من القران والصلاة
لا خلى نيتك انك بتجدد نشاطك
عشان ترجع تانى للقران والصلاة من غير فتور فى العبادة
لاننا اتفقنا مش عاوزين حاجة تعدى غير لما نستغلها بحسنات
يبقى حتى وقت الترفيه يكون بنية تجديد النشاط لمواصلة العبادات
وطبعا الترفيه بغير معصية
اتمنى لى لكم الاستمتاع بالعبادة والا يجعلها الله ثقل علينا

اليوم الثالث كان صعب ليا جدا فابالرغم من اني كنت اجازة من عملي اليوم ومعظم اليوم قضيتة نوم الا وقد تعبت كثيرا اليوم

مشرف عدد المساهمات : 82 تاريخ التسجيل : 04/07/2011

ادعو الله اخى اليتيم ان يرزقك الله ويرزقنا حلاوة تلك الشهر الكريم

مشرف عدد المساهمات : 82 تاريخ التسجيل : 04/07/2011

يوميات صائم : (3)

انهرده 3 رمضان يا ترى اخبار القرآن ايه
وصلت للجزء الكام أوعى تكون لسة مبدأتش أو لسة بتبدأ
تعرف ان فى ناس ختمت ؟ ايوة مستغرب ليه؟
لا مش انا بس ربنا يقوينا
الرسول عليه الصلاة والسلام قال لشخص كان يختم القرآن فى اقل من ثلاثة ايام
أن الاحب ألا يختم القرآن فى أقل من ثلاثة أيام
عشان يبقى قراءة بتدبر
معنى كده ان فى ناس بتختمه فى ثلاثة أيام
طيب يلا الهمة شوية الى مش بيكمل جزء فى اليوم يحاول يكمله
والى بيقرأء جزء يزود شوية لحد ما يبقو جزئين فى اليوم
دى فرصة يا جماعة مش بتيجى فى السنة غير مرة
ويا عالم مين هيحضر رمضان الجاى ومين مش هيحضر
يبقى نسابق الزمن ونجتهد وربنا يقوينا جميعا

مشرف عدد المساهمات : 82 تاريخ التسجيل : 04/07/2011

يوميات صائم (5)

يااااااااه ده رمضان طالع يجرى
اخبار صلة الرحم ايه ؟
مش لازم الزيارة تبقى عزومات
هتقول نهار رمضان قصير وحر
طب بعد التراويح عالخفيف كده
شوف مين من قرايبك مزرتوش من زمان
ومن بره بره بعد التراويح روح زوره
بنيه صلة الرحم وتقوية العلاقات العائلية
ويا سلام لو حد من قرايبك ومتخاصمين
تروح تزوره بعد التراويح وتجدد العلاقات الطيبة
شكلك مكسل طب التليفون جنبك يلا اتصل بقرايبك
اللى مكلمتهمش من زمان
بس بلاش رغى عشان الفاتورة
عاوزين رمضان فرصة لينا والشياطين مسجونة
نرجع العلاقات الى انقطعت بقرايبنا
واى حد كان بينا وبينه خلاف نيجى على نفسنا ونصالحه
وكل عام وانتو بألف خير

مشرف عدد المساهمات : 82 تاريخ التسجيل : 04/07/2011

يوميات صائم (6):

ها لسة بتصومو ولا حد هنج وفطر ؟ ههههههههه
لا يا حبايبى يا شاطرين فات القليل ما باقى الا الكتير
ندخل فى الموضوع
قال رسول الله صلى الله عليه وسلم : ( صوموا تصحوا )
ملاحظين كده مع الصيام ولا لا ؟
الواحد بيبقى خفيف كده ونشيط
أينعم قبل الفطار بشوية بيكون مهنج عالآخر
بس فى أول النهار مفيش كسل ولا وخم
فى حيوية بتنجز اى حاجة بسرعة
ده غير بركة رمضان بقى
والآكل الى بيكفى ويفيض بحاله
مش عشان وحش مثلا
لا ، دا انت تاكل وتشبع وبردو الأكل ربنا مبارك فيه
ملاحظين كده ؟

مشرف عدد المساهمات : 82 تاريخ التسجيل : 04/07/2011

يوميات صائم (13)

انا سمعت حلقة لشريف شحاتة كان بيتكلم فيها عن الى بيمحى كل حسنات العبد
تخيلو واحد يكون جاى يوم القيامة بجبال حسنات
وفجأة كل ده راح
تعرفو ليه؟
لانه انتهك حرمات الله
يعنى ايه انتهك حرمات الله!!!!!!!!!!!!
لما بيختلى بنفسه بعيد عن عيون البشر
بيفكر انه لوحده
لو قدام التليفزيون يجيب القنوات الى بالى بالك
والكليبات وما أدراك ما الكليبات
ولو قدام النت يبقى مواقع اباحية والعياذ بالله
يبقى احنا فى خلوتنا مع نفسنا بنقلب وجه كليب مثلا نقلب علطول
واقول لنفسى الله يرانى
وانا عالنت لقيت حاجة هتيجى مش تمام اقول ايه؟؟؟؟
الله يرانى
عشان نحافظ على حسناتنا لازم نراعى حرمات الله
رزقنا الله واياكم الفردوس الأعلى

الاستقامة سلوك الصراط المستقيم، من غير ميل عنه يمنة ولا يسرة، ويشمل ذلك فعل الطاعات كلها، الظاهرة اوالباطنة، وترك المنهيات كلها، الظاهرة والباطنة. وهي وسط بين الغلو والتقصير، وكلاهما منهي عنه شرعا. والمؤمن مطالب بالاستقامة الدائمة، ولذلك يسألها ربه في كل ركعة من صلاته: فهي تحتاج إلى جهد ومجاهدة.

» برنامج صائم