هتشرف يا كبير جمهورية طرة
هتنورها يالى جبت مصر لورا
يا عينى على شعبك الى عملته مسخرة
والثروة مش ملايين دول طلعو مليارات
وقصور ماشاء الله وفلل وعقارات
والغاز رايح على اسرائيل ونقول صادرات
ولا الضحايا المنسيين فالمعتقلات
نكمل ولا هو الى فات مات
مع كل مواطن وقف فى طابور عيش ومات
مع كل واحد عاوز ينجز بس مفيش امكانيات
مع ناس تعبت من الكلام واعتادت عالسكات
مع كل آه طالعة من أم على ابنها الى مات
وهو بيقول للظلم لا.. ملحقش يكمل العبارات
وآه وألف آه عالشعب الى غير حقه عمره ما قال هات
كنت مستنى ايه بعد كل الى فات
كنت مستنى نموت ونبقى شوية رفات
لا هنعيش ونحاسبك على الى فات
ونحيى كل الى نسيته من ذكريات
وبعد ما نتحاسب وناخد حقنا نقدر نقولك ......
الى فات مات
الرئيسية 
