موسوعه للاكلات المصـــــــــــريه...اهداء من ابو شهد...عاشق لتراب مصر ..الجزء الاول

موسوعه للاكلات المصـــــــــــريه...اهداء من ابو شهد...عاشق لتراب مصر ..الجزء الاول

موسوعه للاكلات المصـــــــــــريه...اهداء من ابو شهد...عاشق لتراب مصر ..الجزء الاول

السلام عليكم ورحمه الله وبركاته

اليكم
مكتبة اكلات مصرية..اهداء لكل اعضاء منتدى الامل
من اخوكم ..ابو شهد

عاشق لتراب مصر

-----
الفطير المشلتت

الفطير المشلتت اهم حاجة فية
اولا نوعية الدقيق .. لان نوعية الدقيق بتفرق كتير جدا فى جودة المعجنات واهما الفطائر
عشان كدة لازم نختار نوعية دقيق جيدة تكون نسبة 72% بروتين
تانى شىء يفضل طبعا مسلى بلدى ....( لو تحبى ابعتللك كيلو **دة فلاحى من عندنا انا تحت امرك )

نجى بقى للمقادير والطريقة...
تجيبى 2 كوب دقيق ... كوب **دة - ماء دافىء للعجن .. ملح ... نصف كوب سكر

نعمل الدقيق على شكل تل صغير بعد خلطة بالسكر ونقطع نصف مقدار ال**دة لقطع صغيرة ونضيفها للدقيق ونعمل فية حفرة ..
نصب الماء الدافىء المذاب فية الملح ونخلط الدقيق باطراف ادينا على لوح خشبى مرشوش بالدقيق لحد مايبقى عندنا عجينة متماسكة لينة ونفردها بالنشابة لطبقة رقيقة ونرش عليها من باقى ال**دة بعد تسيحة
نجى بقى لاهم نقطة .. بعد مافردنا العجينة نطبق اطراف العجينة للداخل فى وسط العجينة .. وبعدين نبططها تانى برفق وندهنا بال**دة ونفردها وبعدين نطبق تانى الاطراف الى وسط العجينة وهكذا مع مراعاة دهنا بال**د السائح فى كل مرة ... وبعدين ندهن صاج بباقى ال**د وندخلها فرن معتدل لحد ما وشها يحمر..

وطبعا دى تتاكل بالسكر او العسل ... وممكن بجبن حادق

الحمام بالفريك

طبعا الحمام المحشى من اجمل الاكلات فى مصر
وفى معظم البلدان العربية
ومن الممكن ان يكون الحشو بالارز ايضا ...
ولكن بالفريك طبعا طعم تانى
ونفس الطريقة من الممكن ان تجربيها بالارز ..
وكمان مكن تجربيها مع الفروج ( الفراخ او الدجاج الصغير )
( بس تاخدى بالك من انفلونزا الطيور بقى ... )

انتى تجيبى كوب صغير فريك ( او ارز ) وتنقية كويس وتغسلية وتبلية فى ماء مملح لمدة ساعتين كدة
وتكونى فرمة بصلة صغيرة او بشرها وتحطى معلقى سمن فى حلة صغيرة وفص مستكة
وتشوحى البصلة بس من غير ما تصفر او لونها يتغير.. وتحطى عليها الكبدة والقلوب بتاعة الحمام (( جوز مثلا ) المتقطعين صغير جدا زى البندقة مثلا .. وتشوحيهم ثوية على النار وتتبلى دة بملح وفلفل اسمر وحبهان مطحون ( الهيل ) وجوزة الطيب المبشورة وممكن قرفة كمان وبعدين تصفى الفريك من المية وتحطية عليهم وتقلبى المقدار وتزودى سمن لو محتاج وعلية نص كوب ماء مغلى لحد مايتثرب من غير ما يستوى خالص ( يبقى نص سوا يعنى )
وتسيبية يبرد
تجيبى بقى الحمام وتغسلية كويس بالملح والدقيق والخل ( عشان الزفارة ) وتكونى محضرة توابل من اللى حطتيها على الفريك ( ملح وفلفل وحبهان وجوزة الطيب ) وخلطاهم ببعض وتدعكى الحمام من تحت وجوة بالخليط دة .. وتحشى الحمام من جواة بس تسيبى فراغ شوية لسوا الفريك وتقفلى بخلة اسنا او تخيطية .. وكمان تحشى الجزء العلوى من عند العنق كدة فى الفرق بين الجلد والجسم وتدخلى راس الحمامة تسدى بيها الفتحة دى .. متخيلة ازاى ؟ ..

كدة الحمام اتحشى ممكن بقى لو الحمام صغير تدهنية سمنة وترصية فى الصنية وفى الفرن عدل لحد ما يستوى ( بس كدة تبقى مسوية الفريك اكتر قبل الحشو )
او ممكن تحطية فى ماء مغلى ومعاه بصلاية مقطعة وتوابل وورق لورى وتخلية يتسلق على النار الاول .. وكمان كدة يعملك احلى شوربة حمام
وبعد السلق برضة تدهنية سمنة وتحطيى يتحمر فى الفرن .. وتطلعية على فرشة من البقدونس المفروم وجنبة طبق شوربة ساخن مع فص ليمون

ام على

اساس ام على دى عبارة عن لقيمات مقرمشة مصنوعة من الدقبق المحمص .... من الممكن ان تشتر من المخبز ومن الممكن للتسهيل تحضيرها فى المنزل ... عن طريق احضار بعض من لفائف الجلاش .... عارفاه
ويتم تقطيعة لقطع صغيرة ورصة على صاج املس وادخالة الفرن لفترة صغيرة حتى ينشف ويقرمش

باقى المقادير سواء اشترتية او حضرتية فى البيت..
تجيبى معاه كبشة من الم**رات ..خاصة البندق وتقومى بتحميصة ايضا فى الفرن وتقشيرة ..
وكمان **يب وجوز هند وممكن كمان كريمة لبانى او قشدة
ولتر لبن محلى بالسكر اكتر من اللازم ( عشان لسه حيشربة الجلاش )

بعد الجلاش ما يتحمص نحط علية الم**رات وجوز الهند ونقلبة فية عشان يبقى فى كل حته
ونجيب اللبن الساخن المحلى ونحط فية معلقة **دة ونقلب ..طبعا حتسيح على طول
ومحدش يقول ازاى ...( لان اللبن طبعا سخن ... )
ونحط اللبن على ستنا ام على هانم .. ونسيبها شوية تدفى .... قصدى تتشرب من اللبن
ونقوم بعد كدة حدفنها على فرن متوسط الحرارة لمدة 20 دقيقة حتى تتماسك

ونطلعها نحط على وشها القشدة او الكريمة اللبانى ونرشها بال**يب وندخلها تانى تحت الشواية
لحد ما القشدة تسيح وتحمر وتاخد طبقة لذيذة ..
ونطلعها

الدقة والصلصة الخاصة بالكشرى لانى بحبة اوى هههههه

اولا الصلصة..

الصلصة دى اهم حاجة فى الكشرى .. وهى اللى بتدى الطعم .. وبتفرق بين طعم وطعم
وعندنا فى مصر وفى محلات الكشرى بيسموا الرجل اللى بيعمل الصلصة " صلصجى "
ودة بيبقى اهم شخصية فى المحل

نيجى بقى للطريقة..

انتى تجيبى
طماطم ..تكون كاملة بدون قشر أو طازجة
معجون طماطم
بصل مفروم
فلفل أسود
كمون
**برة جافة مطحونة ناعم... ودى سر الصلصة واللى بتدى الطعم الجميل لها
ثوم مهروس
ماء - ملح

وتضربى كلة فى الكبة .. وتحطيهم مع معلقتين زيت على النار يتسبكوا وحتى يغلظ القوام

ثانيا الدقة

كل ماتعمليها بدرى ..كل ماكان افضل عشان تاخد الطعم وتتركز

تجيبى ...
فلفل أخضر حلو مقطع صغير - ثوم فصوص - كمون - ملح - ماء - خل
تضرب في الخلاط حتى تنعم جيدا ثم توضع في زجاجة او كوب

اهلا بيكى دائما .. ويارب طريقتى تعجبك

منتظر رأيك ولو تحبى اقوللك طريقتى فى الكشرى كمان

دقة الفول

الفول ..طبعا مافى احسن ةمنع على الافطار الصبح

ممكن طبعا تملى دقة للفول " تحويجة ..يعنى "

توم ومعاه خل وملح وفلفل احمر واخضر مفروم وزيت زيتون

كل دة فى الكبة لحد ما يمتزج وتعصرى علية ليمونة بعد ما يخلص وتقلبية مع الفول ..

الطعمية

طبعا الطعمية من الاكلات الشعبية المتينة

نجيب نص كيلو فول مدشوش ونبلة ليلة فى الماء
بصل اخضر - ثوم - كرات - ك**رة خضراء - بقدونس
ملح - كمون - ك**رة ناشفة ناعمة

وفى الكبة نفرم دة كلة مع بعضة حتى يصبح عجينة لينة
وممكن نشيلة فى اكياس فى الفريزر .. بس نراعى اننا لما نستخدمة بعد كدة نضيف ذرة بكربونات

وطبعا عند القلى تقعد الى اقراص وتغلف بالسمسم وتقلى فى الزيت

الكبدة الاسكندرانى

تجيى نصف كيلو كبدة وتقطعية شرائح طولية رقيقة ... ومعاه قرنين تلاتة فلفل رومى ... وفلفل حامى طويل
ومعاها راس توم مفرومة ومدقوقة بالملح والكمون وشوية شطة
قبل الاعداد تضيفى جزء من التوم والفلفل الحامة الشرائح الى الكبدة وتقلبيهم مع بعض وتسبيهم قد نص ساعة

تجيبى الطاسة التيفال المتينة .. وتحطى فيها ثلاث معالق زيت وتشوحى نصف مقدار الفلفل الرومى والحامى ..
وتقلبى تقلبتين كدة وتقومى حاطة الكبدة وتستمرى فى التقليب لحد بس ما لونها يغير..
وتقومى ضايفة خلطة التوم المحوجة مع التقليب المستمر
قبل السوا بخمس دقائق تحطى باقى الفلفل عشان يبقى طازة ويدى طعم فى الاكل .. ومعاه نصف ليمونة تعصريحا

تكونى مجهزة بقة سلطة الطحينة ( لو مش عارفاها قوليلى اقوللك على طريقتها )
وترفعى الكبدة من على النار وتحطى معلقتين تلاتة سلطة طحيمة وشوية بقدونس مفروم
وتجيبى العيش الفينو وتحشية بيها ...
او ممكن العيش الشامى .. او عيش الصاج
تفردية وتحطى الكبدة فى اوله وتلفية اسطوانيا زى الشاورما السورى كدة

لقمة القاضى أو الزلابية

دقيق وماء وخميره جافه وملعقة سكر
طبعا مافيش مقادير لان بنعجن الدقيق حسب الكميه المطلوبه
وان كان نص كيلو دقيق كافى لخمسة اشخاص
فى الاول بنحط الخميرة الجافه على نص كوباية ماء دافى
ومعاهم معلقة السكر لمدة نص ساعه علشان الخميره تشتغل
بعد كده نحطها على الدقيق والعجن يتم بماء فاتر للتخانه المعروفه
بتكون نصف سائله ( زى المهلبيه تقريبا عند الغرف )
ونتركها فى مكان دافى لمدة ساعه
لغاية ما نلاقى وش العجين ظهر عليه فقاقيع هواء
كده يبقى العجين تخمر واصبح جاهز للاستعمال
نحضر طاسه عميقه وزيت عميق ساخن جدا
ونبدأ ناخد حتة عجين بملعقة الشاى المبلله بالزيت ونسقطها فى الطاسه
ودى لازم تكون عملية سريعه علشان كل الكور تستوى مع بعض
ونكون محضرين محلول سكر (عسل) زى اللى بنصبه عالكنافه
ونطلع لقمة القاضى من التحمير ونطشها فى العسل علشان تشرب

ضلوع بصوص التفاح الذيذ

بصله محترمه مبشوره ناعم وعصير تفاحه و ربع معلقة قرفه
وملح وفلفل وبهارا وورق لاورو و معلقتين كبار كريمه لبانى
نخلط اللى فات ده كله مع بعضه للتتبيل
نجيب الضلوع ونغطيها بالكامل بالخلطة
وندخله التلاجه ساعتين على الاقل بس فى رف تحتانى
نجيب ورق المونيوم فويل كبير ونحط الضلوع فيه ونغطيها باللى فاضل من التتبيله
ونلفه باحكام بالفويل ونحطه فى صينية الفرن ونحط فى الصينية كوبايتين ميه
ونحدفه عالفرن ونبص عليه كل نص ساعه علشان نزود الميه بس تكون سخنه
نجهز فى حله كوباية عصير تفاح وعصير ليمونتين ومعلقة نشا صغيرة
وسنة جن**يل ونغليهم عالنار 10 دقايق مع التقليب
الضلوع حاتاخد فى الفرن حوالى تلات ساعات على الاقل
ولما تطلع نسيبها تبرد خالص وبعدين نفتح الفويل
ونحط الضلوع على فرشه من شرايح التفاح وممكن كريز واناناس
وبعدين نصب عليها الصوص

صوص التفاح
وفيه صوص تانى باستعمال مهروس تفاحه مسلوقه
ومعلقة **ده عالنار ونخلط كويس ونضيف معلقة كارى هندى
ونقلب مع اضافة كوب عصير تفاح وذرة ملح وذرة جن**يل

فطيرة باللحم والخضار

250 غرام من اللحم المفروم.
1 كلغ من الخضار المشكلة المسلوقة: بازاليا، جزر، بطاطس.
1 بصلة كبيرة مفرومة ناعماً.
1 ـ 2 ملعقة كبيرة من الزيت.
1 ملعقة صغيرة من الكاري الحلو أو الحار حسب الذوق.
1/2 ملعقة صغيرة من الفلفل الأسود.
1 ملعقة صغيرة من الملح.
250 غرام من الدقيق المنخول.
2 ملعقة كبيرة من ال**دة الطرية.
ماء للعجن.
1/2 ملعقة صغيرة من الملح.
2 ـ 3 ملعقة كبيرة من اللبن لدهن العجينة.

الوصفة

تحضير الحشو:.

يوضع البصل المفروم في المقلاة ويضاف إليه كمية الزيت ويقلب على النار حتى يصفر لونه ثم يضاف اللحم المفروم ويحرك الخليط حتى ينضج اللحم.
يضاف الخضار المسلوقة وتتبل الحشوة بالبهارات (الفلفل الأسود والكاري) والملح، يخلط المزيج جيداً ويصبح جاهزاً للحشو.

تحضير العجين:.

في وعاء كبير يخلط الدقيق المنخول مع الملح ثم تضاف ال**دة الطرية وتفرك بالدقيق جيداً.
يضاف الماء إلى الخليط ويعجن جيداً حتى تصبح عجينة ملساء ومتجانسة. تغطى العجينة بقطعة قماش رطبة وتترك 30 دقيقة جانباً.
تفرد العجينة على طاولة المطبخ المرشوشة بالدقيق وتمد بواسطة النشابة على شكل مستطيل بقياس (27× 18 سم).
يصب خليط الحشو في وسط العجين ويترك 2 سنتم فراغ على الجوانب.
تدهن الجوانب باللبن وتلف العجينة بالطول وتغلق أطرافها جيداً وذلك عن طريق الضغط بأطراف الأصابع. فتصبح العجينة على شكل لفافة من الخضار.
تدهن العجينة باللبن من كل الجهات ويثقب وجهها بواسطة شوكة للتخلص من البخار. ثم توضع في صينية الفرن وتدخل إلى فرن معتدل الحرارة 180 درجة مئوية مدة 30 ـ 35 دقيقة أو حتى يصبح لونها ذهبياً.
ترفع الفطيرة من الفرن وتوضع في طبق التقديم وتقطع وتقدم ساخنة.

البسبوسة

تلات كوبايات سميط ناعم و كوباية سكر
علبة زيادى صغيره و كوباية سمن بلدى
نص كيس بيكنج باودر و شوية لبن لضبط سيولة العجين
نضرب السكر مع السمن ضربا مبرحا لما بيقى كريمه
ونضيف ال**ادى والسميط ويستمر الضرب فى العجانه
واذا كانت ناشفه نضيف لبن شويه شويه حتى تصبح عجينه تصلح للصب
ندهن صينية فرن واسعه بالسمن ونصب العجين
نسيبه يرتاح ربع ساعه وندخلها الفرن الحار حوالى تلت ساعه
او لغاية ما وشها يحمر
وتطلع من الفرن يكون عسل السكر جاهز نصبه عليها كلها
(زى عسل الكنافه والقطايف بس سايل شويه...
كوبيتين سكر وكوب ماء ونصف ليمونة حتى القوام المطلوب )
وبعد ما تشرب براحتها 10 دقايق نصفى الباقى منه

صيادية الارز بالسمك

الاول نجيب سمك فيلية بدون شوك ونتبلة بالتوم والكمون والليمون ونسيبة شوية فى التتبيلة دى قد ساعتين تلاتة
بعد كدة نخلطة بدقيق متبل ( دقيق +ملح +كمون +توابل سمك ) ونصفية من الدقيق ونقلية فى زيت غزير بس مانسوهوش قوى مجرد انه يتماسك وياخد لون اصفر كدة ونشيلة على جنب بعد ما نصفية من الزيت

نجيب بقى بعد كدة ثلاث بصلات كبار ونقطعهم شرايح رفيعة جدا ونحمرهم فى زيت غذير حتى الاحمرار الكامل ( لحد ما البصل ينشف يعنى ) وممكن نشيل شوية منه قبل تمام تمام الاحمرار ونسيب الباقى لحد ما ينشف ونشيل البصل من الزيت ونصفية ونفركة لحد ما يبقى بودرة خالص ونرشة بكمون وممكن شوية كركم يدى لون ظريف ونخلطة بكوبين من الماء او تلاتة حسب ما حنحتاج ونشيلة على جنب
نجيب نص البصل اللى شلناه قبل ما ينشف ونخلطة بشوية كمون برضة ونخلطة بالارز المغسول ومصفى مسبقا
نجيب الطاجن او الوعاء ( الحلة بالمصرى يعنى ) ونرص السمك اللى قليناه فى اسفلها بكامل محيطها ونحط الارز بالبصل علية ونزود بالمية ام بصل اللى شيلنها بالراحة لحد معيار سوا الارز ونسيبة يغلى ونوطى النار بعد كدة ومن غير مانقلب ( ممكن نهز الحلة من ان لاخر كدة عشان المياة تتخلل الارز ونغطى كويس عشان البخار يساعد على السوا)
وبعد السوا نسيب الارز يهدا ونجيب صنية واسعة بدون جوانب او سرفيس مدور ونقلب علية الحلة بالراحة
حنلاقى الارز نزل الاول وعلية قطع السمك بشكل جميل وممكن نزينها بالبقدونس المفروم او ببصل محمر

سلطة طحينة بالثوم
نجيب ربع كيلو طحينة مع كوب **ادى وليمونة ونضرب دة كله مع بعضة بالشوكة كويس ونزود مية حسب السمك المطلوب
نجيب كمية من التوم المفصص ونهرسة بالكبة مع معلقتين خل وكمون وملح وممكن مفروم بقدونس ونضيفة على خليط الطحينة بال**ادى ونجمل السطح باوراق البقدونس وشرائح الليمون
وجنب سرفيس الصيادية

مكرونة بالصلصة الحمرا

تجيبى المكرونة الطويلة ( الاسباجيتى ) وتسلوقيها عادى فى ماء مغلى ومعاه قطرات زيت وقطرات خل وملح عشان ماتنشيش

تجيبى بصلة تطعيها رفيع جدا وتشوحيها مع فصين تزم مدقوقين فى معلقتين زيت ذرة ...
وممكن تحطى معاهم قرن فلفل احمر حامى متخرط رفيع قوى لحد البصلة ما تصفر
وتقومى حاطة عصير الطماطم او طماطم مبشورة وتسبيها تتسبك وميتها تنشف

ممكن بقى تحطى على الصلصة اى اضافات تانى تحبيها ... (
ممكن زيتون شرائح - ممكن فلفل رومى مكعبات - ممكن قطع سجق - قطع لانشون )

وبعدين تصفى المكرونة من المية وتقلبيها فى الحلة مع معلقة **دة ورشة فلفل اسمر وكمون وملح
وتضيفى عليها الصلصة وتقلبيها

او تحطى المكرونة المسلوقة المتبلة فى اطباق وتحطى الصلصة على وشها وتقدميها كدة

خلطة الفراخ بالفرن

مكرونة بالصلصة الحمرا

تجيبى المكرونة الطويلة ( الاسباجيتى ) وتسلوقيها عادى فى ماء مغلى ومعاه قطرات زيت وقطرات خل وملح عشان ماتنشيش

تجيبى بصلة تطعيها رفيع جدا وتشوحيها مع فصين تزم مدقوقين فى معلقتين زيت ذرة ...
وممكن تحطى معاهم قرن فلفل احمر حامى متخرط رفيع قوى لحد البصلة ما تصفر
وتقومى حاطة عصير الطماطم او طماطم مبشورة وتسبيها تتسبك وميتها تنشف

ممكن بقى تحطى على الصلصة اى اضافات تانى تحبيها ... (
ممكن زيتون شرائح - ممكن فلفل رومى مكعبات - ممكن قطع سجق - قطع لانشون )

وبعدين تصفى المكرونة من المية وتقلبيها فى الحلة مع معلقة **دة ورشة فلفل اسمر وكمون وملح
وتضيفى عليها الصلصة وتقلبيها

او تحطى المكرونة المسلوقة المتبلة فى اطباق وتحطى الصلصة على وشها وتقدميها كدة

بخصوص الفراخ ... فدى طريقة بسيطة وسهلة جدا جدا

خلطة الفراخ بالفرن

تجيب المكونات دى

بصلة متوسطة - عشرة فصوص توم كبار - ثمرتين طماطم - معلقة خل -معلقتين زيت ذرة -
معلقة كبيرة زعتر ناشف - فلفلة رومى مبشورة
وممكن فلفل حامى لو عاوزاها حامية

ونضرب كله فى الخلاط او الكبة
ونجيب الفرخة نقطعها اربع او ثمانى قطع ونغمسها فى الخلطة دى
ونحطها فى صينية مدهونة **دة ونحط على وشها باقى الخلطة..
ونحطها فى الفرن لحد ماتستوىونطلعها على فرشة من البقدونس

مسقعة بازنجان وفلفل

تجيبى حلقات الباذنجان ( بعد رشه بالملح وتركه لمدة نصف ساعة ثم شطفه )
وحلقات الفلفل الرومى وتقليهم فى زيت غزير وتنشليهم من الزيت وتسبيهم يصفوا الزيت

تكونى محضرة توم مدقوق وتشوحية فى معلقتين زيت مع قرن فلفل احمر حامى مقطع قطع صغيرة
بعد كدة تضيفى ثلاث معالق خل وتسبيهم يغلو فترة
وتقومى حاطة علية عصير الطماطم والكمون والملح والشطة وتسبيهم يتسبكوا
وبعدين تضيفى المقليات السابقة ( البازنجان والفلفل ) وممكن تزودى شوية ميه وتسبيهم على النار
لمدة عشر دقائق
( ممكن تضيفى اصابع بطاطس محمرة مع الباذنجان والفلفل .... بتبقى لذيذة برضة )

دى طريقة ... وفى طريقة تانية .. بس انا بسميها سلطة الباذنجان
وبعتبرها من المشهيات جنب بعض الاكلات .. زى الاسماك والكباب والكفتة

زنود الست

المقادير
4 بيض +2/1 كوب سكر+1ملعقة صغيرة فانليا
2ملعقة صغيرة عصير ليمون
4/3 كوب دقيق +2 ملعقة صغيرة سكر بودرة

نجيب البيض .. ونفصل الصفار عن البياض ويُخفق صفار البيض مع السكر جيداً.
ثم تُضاف الفانليا إلى الخليط، ثم يضاف عصير الليمون وتخفق المواد جميعاً.
يُضاف الدقيق تدريجياً ويخفق حتى يتجانس الخليط، ويترك جانباً.
يُخفق بياض البيض إلى أن يبدأ في التماسك ثم يضاف السكر البودرة تدريجياً أثناء الخفق
حتى يصير الخليط صلباً -يصبح (مارينج).
يضاف قليل من خليط صفار البيض والدقيق إلى بياض البيض مع التقليب حتى يتجانس الخليط (مع مراعاة الخلط بخفة).
تُضاف الكمية المتبقية من بياض البيض المخفوق إلى الخليط وتمزج المواد جيداً.
يُوضع قليل من الخليط في كيس حلواني. و يُوضع ورق **دة في صاج (صينية)،
ثم يشكل العجين على شكل أصابع حوالي 6 سنتمتر.
تخبز في فرن حرارته 375 درجة فهرنهيت لمدة 10 إلى 12 دقيقة.

ملحوظة :
يمكن إضافة قليل من بودرة الكاكاو للعجين للحصول على نكهة ولون الشكولاته
وكذلك يمكن دهن الأصابع بعد الخبز بقليل من المربى ولصقها ببعض.

الملوخية على الطريقة المصرية

طبعا نجيب الملوخية ونخرطها عادى بالمخرطة
ونكون محضرين راس توم مفرومة مع **برة ناشفة
نحمرها فى السمنة لحد اللون الذهبى ونطشها بمغرفة شوربة
(وطبعا ماننساش نشهق... )
ونغطيها تانى ونسيبها تاخد غلوة ونحط الملوخية بعد كدة
ونقلبها ونزود الشوربة لحد القوام المطلوب

اهم حاجة مانخليهاش تغلى ...لان الغليان دة بيخلى الملوخية تقطع
( يعنى تبقى سايطة ومفيهاش القوام المميز)

طريقة تانية

اننا نجيب الملوخية المتخرطة ونحطها على الشوربة
ونعمل طشة الملوخية لوحدها ( توم + **برة على النار لحد ما تصفر )
ونطشها على الملوخية ونقلبها

عيش السرايا

عيش السرايا دة من الحلويات اللذيذة .. بس مش للى عاوزين يعملوا دايت
لانة فية سعرات حرارية كبيرة جدااااا

فية طريقة سهله له باستخدام لب العيش الافرنجى ( توست ابيض طرى )
ودة باننا نجيب قلب العيش الفينو او قلب توست ابيض ونقطعة حتت صغيرة
ونحمصه خفيف فى الفرن ونطحنه ناعم زى الدقيق
ونحطة مع شربات ( قطر ) على النار وتقلب حتى الحصول على عجينة متماسكة وطرية ذهبية اللون

نجيب صنية مدورة ونفرد فيها نص الكمية بالتساو ونسيبها تبرد
وبعدين ونغطيها بعلبة قشطة ونفرد عليها النص التانى لحد ما يغطى طبقة القشطة
( ممكن للسهوله ..نفرد النص التانى برفق على كيس نايلون ونقلبة على القشطة )

طريقة الشربات ( القطر )

2.5 كوب سكر + 1.5 كوب ماء ونحطهم على النار من غير تقليب لحد الغليان والسكر يدوب
وبعدين نحط معلقة ليمون ونسيبة يتركز ونضيف معلقة ماء ورد
ونزين الوش بشوية قشطة وفستق مطحون ناعم وتتقطع خرط وتقدم

فية طريقة تانية بس من غير توست
بنعمل العجينة بنفسنا..

بنجيب الدقيق و السكر و الروب في الخفاقة و يخفق الكل لمدة عشر دقائق الى ان يصبح قوامها كريمي .
ونسيب الخليط لمدة نصف ساعة ليذوب السكر و تتجانس المكونات .
بنحط ملعقة صغيرة كربونات صودا الى الخليط قبل دخول الصينية مباشرة بدقيقة و نخفق المزيج مرة اخرى لتجانس المكونات مع كربونات الصودا .
بنحط الخليط في صينية مستديرة الشكل مدهونة **دة وتدخل الفرن على درجة حرارة 180 درجة مئوية لمده 14 دقيقة .
بنعمل شربات او قطر زى ما شرحنا سابقا بس بنخلطه مع الكراميل و الكراميل هنا لإ**اب القطر لون ذهبي رائع .
فبنحط مقادير القطر على النار حتى تغلي و تسمك قليلاً .
-ويحضر الكراميل بوضع مقاديره ( نص كوب سكر + معلقة صغير ماء ) على نار هادئة حتى يتحول للون الذهبي ثم يضاف القطر السائل الى الكراميل مع التقليب باستمرار لتذويب الكتل التي تظهر نتيجة تلاقي الشربات (القطر) الفاتر مع الكراميل الساخن .
وبعدين نضيف مزيج القطر الساخن الى عيش السرايا البارد تدريجياً .
ونزين بالقشده بعد ان يبرد عيش السرايا تماما و يزين الوجه بالفستق و يقدم بارداً
.

محشى الكرنب

( واى محشى بشكل عام ..) فيتم تجهيز ورق الكرنب بسلقة فى ماء وملح وتركه يبرد

ونجهز الخلطة كما يلى :

بصلتين كبار متقطعين صغير ونشوحهم فى معلقتين تلاته زيت بس بدون ما يصفروا .. مجرد يدبلوا
ونحط عليهم طماطم مبشورة ( ونحتفظ ببواقى البشر حنعوزه بعدين ) وملح وفلفل وكمون وجوزة الطيب وشوية **يبرة ناشفة
وطبعا ياريت شوية شطة لزوم الطعم الحريف ولو تحبى طعم النعناع ممكن تحطى شوية نعناع ناشف
ونقلب التخديعة دى لحد ما تتسبك ونكون مقطعين كمية من الشبت والبقدونس وال**برة الخضرا بنسب متفاوتة
يعنى 3 شبت و2 بقدونس و 1 **برة خضرا
ونضيف الخضرة ونقلبها يدوبك تقليبة واحدة مع صلصة الطماطم ومنخلهاش على النار كتير عشان تحتفظ بلونها الاخضر
واخر حاجة نكون غاسلين الارز ونحطه بعيد عن النار ونقلب الخلطة كويس حتى تمتزج جميع المكونات
حاجة انا بضيفها وبتدى طعم حلو للخلطة دى .. وهى حتة ليّة ( بتاعة الخروف ) بقطعها حتت صغيرة جدا واضيفها على الخلطة فى الاخر ..

ونجيب بقى ورق الكرنب ونحط معلقة من الخلطة على طرف الورقة ونلفة على شكل صباع بس تحلولى تقفلى الاطراف للداخل عشان الخلطة ما تخرجش .. ونرصها فى حلة لحد الكمية ما تخلص
نجيب بعد كدة بشر الطماطم اللى فضل معانا ونتبلة بتوابل وفلفل اسمر ونحطع على وش المحشى
ونسقية شوربة لحم سابقة التجهيز ... او مرقة ماجى نكون مجهزنها
ونحطه على النار ونعلى النار لحد المرقة ماتغلى وبعدين نوطى خااااالص ونغطيها كويس ونسيبها لحد ما تستوى

وبالف هنا وشفا
اخوكم
ابو شهد

</BLOCKQUOTE>

ايوا كدا هيا دى الاكلات ولا بلاش
واهم الاكلات هنا الملوخية الخضرا والشهأة بتاعتها بس مش عارف اشهئ اقول ايه
هههههههههههههههههههههه
تسلم ياغالي

» موسوعه للاكلات المصريه..الجزء الثالث
» موسوعه للاكلات المصريه..الجزء الرابع ..ابو شهد
» موسوعه للاكلات المصريه..الجزءالثانى
» الإسكندر..عاشق عروس المتوسط
» عاشق الشهادة البراء بن مالك رضي الله عنه